taariikhda magaalada boosaaso

Boosaaso (Af-Carabi: بوصاصو; Af-Ingiriis: Bosaso; sidoo kale loo yaqaano Bandarqasin) waa magalo ka mid ah magaalooyinka ugu waayayn Soomaaliya, waana magaalada ugu weyn Magaalooyinka maamul gobolleedka Puntland isla markana waa magalada 3aad ee ugu weyn magalooyinka Soomaaliya marka laga reebo Muqdisho iyo Hargeysa. Waa magaalo aad u soo koreysa, waana Magaalada 3aad ee ugu koriinshaha badan marka laga reebo muqdisho. Magaladaan waa magaalo ganacsiyeed, waxaa degan dad lagu qiyaasaayo 900,000 oo qof tirakoob laga sameeyay 2011, Dekeda magaalada Boosaasowaxay ka mid tahay dekedaha ugu mashquulka badan dekadaha wadanka Soomaaliya, waxaana taas usuurta geliyay dadka degaankas degan oo ah dad ku tiirsan gacansiga iyo dhammaan gobalada Soomaaliya iyo kuwa wadamada deriska ah sida degaanka Soomaali Galbeed (Ogaadeeniya) ee Itoobiyaoo aad u isticmaala dekada magalada Boosaaso. Boosaaso wa magaalada ugu fog dinaca bariga oo qaaradda Afrika ku yaal.

Bari waxaa waaye Gobalka ay ka tirsantahay Magalada Boosaaso, waxayna magaala madaxda utahay. Intaas waxaa dheer, magaaladaan waxay utahay degaanada Puntland magalada ugu weyn uguna dadka badan uguna muhiimsan xag-kastaba, waxayna hogaanka uhaysa ganacsiga iyo waxbarashada gobaladaas waxayna maamul ahaan hoos tagtaa maamul-goboleedka Puntland. Boosaaso waa magaalo ay nabad iyo xasiloon ka jirto sida magaaloyaasha kale oo ku yaalo woqooyiga. Magaaladaan waa magaalo ku dadaasho horumarka. Boosaaso waxay leedahay hoteelo badan oo aad u casriyeysan iyo meelo lagu baashaalo, sida meelaha internetka lagu galo iyo maqaayado farabadan. Magalada waxay u dhowdahay buuro iyo goob loo dalxiis tegi karo oo aad u quruxbadan waxaana kamida buuraha mareero, buuraha gerible, Gaaca, biyo kulule, laag iyo karin oo dhamaantood dalxiiska ku wanaagsan.

Taariikh

Taariikh ahaan halka magaaladu ku taalo waxaa markii ugu horreysay inta la xasuusto degay Nin ganacsade ahaa oo la oran jiray Qaazim, Ninkani wuxuu ahaa soomali beel ahaanna wuxuu ka soo jeeday beesha (Gabtaanle) oo kamida beelaha (Axmed Harti- Daarood) Qaazim wuxuu la haan jiray hal uu aad u jeclaa oo la oran jiray boosaas, waxaana la rumaysan halkaas inuu yahay halka uu ka yimi magaca magaalada oo loogu magacdaray hashii qaazim ee daaqi jirtay xeraduna uga oodnayd halka haatan magaaladu ka dhisan tahay, Sidoo kale magaalada waxaa loo yaqaan Bender-qazim oo la macna ah Goobtii ama benderkii Qaazim taas oo sida la sheegay ay ganacsato carbeed u bixiyeen magaalada iyagoo ku hal qabsanayey qaazim oo ahaa ninkii deganaa halka magaaladu hada tahay.

Boosaaso waxay aad u dhisantay burburkii dowladda dhexe ka dib, waxaana isugu yimid oo ay marti galisay Soomaalidii ka soo qaxday koonfurta iyo galbeedka, waxaa xusid mudan in dadkii deegaanka bosaso ku noolaa ay aad u soo dhoweyeen dhamaan dadyowgii ku soo qaxay magaalada oo ahayd halkii ay dadka ugu badan ee woqooyi bari ku soo laabtay qaabishay, Gaar ahaan waxaa aad arintaa loogu ammaanaa beesha (Dishiishe) oo si diiran, oo dadnimo iyo soomaalinimo leh ugu soo dhoweeysay dhamaan dadkii magaalada ku soo qaxay.Qaramada Midoobay sida: UNICEF, WFP, UNDP,UNHCR, DRC,SPDS, NRC .

Boosaaso deegaan ahaan waxaa dega beesha Axmed Harti Daarood (Dishiishe) waana reer saamayn ku leh Puntland iyo Soomaaliya, Sidoo kale bosaso haatan waa xarun weyn oo soomali badani ku nooshahay gaar ahaan qabaa’ilka Hartiga oo magaaladu u noqotay xarun ganacsi iyo saqaafadeed. iyo soomaali kale oo aad u farabadan. Baarlamaankii ugu horeeyey ee dowladda Soomaaliyeed oo xor ah waxaa Boosaaso laga soo dooran jiray 1959 ilaa 1969 mudaneyaasha kala ah Mudane Ugaas Yaasiin Ugaas Cabdiraxmaan oo ka mid ahaa Xildhibaannadii Qaranka iyo Isimmaddii ugu magaca iyo ixtiraamka badnaa goboladaas iyo soomaaliyaba, iyo Mudane Xaaji Bashiir Ismaaciil Yuusuf oo isna ku soo baxay xubinta labaad ee degmada maadaama degmadu ay hoos imaan jireen deegaano aad u faro badan maadaama ay ahayd xarunta gobolka.

Runtii Mudaneyaasha ka soo jeeday Degmadda Boosaaso waxay ka mid ahaayeen akhyaartii iyo tiirarkii midnimadda iyo dowladnimadda ummadda Soomaaliyeed, waxay caan ku ahaayeen Dhaqan Islaami ah iyo Wadaniyad, ayagoo gacan iyo taageero ka helaya dadweynaha iyo wax-garadka maamula deegaankaas, waxay Degmadda, Gobolka iyo Dalkaba u soo hoyiyeen sharaf iyo sumcad, waxayna ka tirsan-yihiin beesha Harti – Daarood ee Soomaaliyeed.

Jawiga

Jawiga magaalada waa kulayl xilliga xagaaga lagu jiro, xilliyada kalena waa iska caadi.

Xaafadaha

Boosaaso waxaa si aad ah dadka ugu dhaqan oo soo camirey qaxooti fara badan oo hayadaha Qaramada Midoobey ku biilaan duleedka magaalada waxaana taasu keentay koror xoogan oo ku yimaada dadkii magaalada deganaa guud ahaanba.

Magaalada Boosaaso waxay ka kooban tahay 16 xaafadood oo ay ka mid yihiin Biyakulule, Raxiis, Baalade, Gerible, Laanta Hawada, Gusoore, Xaafatu Carab, Suweyto, Raf & raaxo, New Boosaaso, Ridwaan, Dayaxa iyo kuwo kale.

SAWIRO

WAX KA BARO DR ZAKIR NAIK

Waa Kuma Dr: Zakir Naik

    . "Waxay i yaadhaah daan waxaad tay wahabi, Se ma, oga in Alle " swc " Magacyadiisa ( AL-WAHABU ) ku jiro.... ~
      Zakir Naik.Dr: Zakir Abdulkariim Naik Wuxuu ku dhashay Magaalada Mumbai, Gobolka Maharashtra ee Wadanka India, Hilaadii 18th Oct 1965
.Waa daaci diinta Alle " swc " ku baaqa iyo Tawhiidka oo ah U-gaaryeelida cibaadada Alle kaligiis, Wuxuu sheekhu Wax kabartay kana qaatay shahaadada koowaad ee cilmiga caafimaadka iyo qaliinka ( Medicine & Surgery ) Jamacada Mumbia ( University of Mumbia ).

   Qoyska Sheekha :-Dr: zakir naik wuxuu leeyay hal-xaas oo la yidhaa farhat naik iyo wiil iyo gabadh kuwaas oo kala ah, fariq naik iyo rushdaa naik, oo dhamaantood ku hawlan u adeegida diinta islamka.
    Yaa Saameeyey Sheekha :-Sida uu sheegay Dr zakir naik sanaddii ( 2006 ) waxa dhiiri galiyay saameyayna, Sh Ahmed Deedaat oo dhalasho ahaan kasoo jeeda waddanka South Africa, Xiligaas oo Dr Zakir naikla kulmay Sh deedat 1987 kii, Wax yaabaha ugu layaabka badan ee wakhtigaa deedat ugu yeedhay naik waxa kamid ahayd ( Deedat Plus ) oo noqonaysa " kii deedat baro dhaafiyay "Xilimuu Sheekhu Bilaabay Ka shaqaynta Islaamka.


    Sanaddii 1991 Wuxuu naik bilaabay inuu dacwada gaadhsiiyoadduunka idilkiis, isagoo dhidibada u taagay Xarunta cilmi-baadhistaee diinta islaamka ( Islamic Research Foundation ),& telefishanka caalimaga ah ee Nabada ( Peace Tv), kaasoo Xaruntiisa dhexe ku taal UAE xarumo kalena kule Mumbai / India, lagana daawado Ku dhawaad 200 dal, 24 saacadoodba.Sidoo kale sheekhu wuxuu aasaasay iskuulka caalimiga ah eeculuumta islaamka, kaas oo bixiya tacliin bilaasha.Xarumaha ( IRF ) & ( PEACE TV ), ee sheekha waxa halku dhigu ah " Tawhiid, Truth, Justice, Morality, & Wisdom For the whole Of Humankind ", oo noqonaysa " Ku baaqida tawxiidka, Runta, Cadaalada, Anshaxa Suuban & Xigmada loo abuuray bini'aadamka oo ah cibaadada Rabbigeena " sida ku qoran Hayb-guriga degaladan.Sanadkiiba Halmar Waxa uu qabtaa Barnaamijka caanka ah ee la yidhaah " Peace Conference " shirka nabada, kaas oo ay kasoo qayb galaan Quraada Xaramaynka iyo Boqolaal milyan oo ruux kana soo boqoolay Daafaha Addunka.

    Barnaamijkan sheekha waxa la' daadihiya culimo badan oo aykamid yihiin Bilal Philipes, Abdulraheem Green, Hussein Yee, Yusuf Estes, Qadhi, Yasir fassaga & Saed Rageh.
   Doodaha iyo Muxaadiraatka Sheekha.Dr zakir naik ka qayb-galay doodo tiro badan, isla markaana noocoogu yar'yahay, sidoo kale wuxuu leeyay muxaadiraat iyo Barnaamijyo Fatwo ah, oo uu ugu caansan yahay Barnaamijka ( Dare to Ask ) " I waydii Waxaad doontid ".Waxa lagu qiyaasaa in sheekhu ku dhawaad 4000 oo muxadiro ka jeediyay adduunka, dhanka doodaha waxa ugu caansan Tii uula galay Dr William Campell oo dhalasho ahaanmaraykan ah Isagoo ku doodayay In Qur'aanku aanu la jaanqaadi karin Saynis Doodaas oo la yidhaa ( Qur'an & Bible in the light of Science 

doorashadii ururka dhalinta somaliyeed

Waxaa xalay oo ay bishu ahayd 7/9/2017 ladoortay hogaamiyaasha ururka dhalinta somaliyeed kaasoo ka qabsoomay groupka whatsapp oo ay dhalintu ku kulanto.

Groupka oo ay ku jiraan in ka badan 50 dhalinyaro ah ayaa waxaa ,ay ku guulaysteen inay doortaan hogaan saxa oo gardaadin doona .

Dhalintaan la doortay ayaa ka kooban labo wiil iyo laba gabdhood ,waxana ay doorashada u dhacday si ,xaqa oo ay ku jirin wax is daba marina .

Gudoomiye......../maxamed siciid axmed

G/kuxigeen............/hodan farax

Afhayeen............../cadnaan

Xoghaye........../hibaaq ali

Hadaba dhalinta la doortay ayaa balan qaaday inay kasoo bixi doonaan doorkooda ku aadan inshaallah

Qof walba oo muwaadin somaliyeeda waxa uu xaq u leeyahay inuu helo ,xoriyad iyo nabad.

Hadaba waxaad tahay dhalinyaro maxaa kaaga aadan aayaha noloshaada ,iyo mustaqbalkaaga ,weli ma is waydiisay?
Waxaad rabtaa ,mustaqbal,nabad,nolol ,iyo horumar.
Hadaba waa inaad ka fakartaa aayahaaga,maxaase kaaga aadan ubaxa dalkaaga oo badaha ku dhamaanaya ????
Hadaba walaal meelkasta joog hadii aad ku hadashi afka somaliga ,dalkana aad u dhalatay ,waxaad haystaa fursad

Fiiro gaara

Hadaba qofkasta oo somaliyeed oo nagusoo biiraya waan soo dhowaynaynaa gacmafuran iyo waji dabacsan...
Wixii talo iyo tusaale ah ood noo hayso waad nagu taageeri kartaa .
Groupka dhalinta somaliyeed waxaa ku jira inkabadan 50 dhalinsomaliyeed ,kuwaaso doonaya inay nolosha guul kagaaran ,hadaba wll adiguba waad nagusoo biiri kataa .
Hadiia ad doonayso inaad nagusoo biirto ,,,,,,laxiriir ,,admin ka groupka ,,,,ahna gudoomiyaha groupka ,,,,,maxamed siciid axmed ,,,,,+252907663650

Mahadsanidin

Alle ayaa mahad iska leh mar walba keen is fahan siiyey waad mahadsantihiin.

wax ka ogow muslimiinta baarma

⭕ Arinta baarma⭕

-Dhib ma laha in ad 90 il biriqsi oo waqtiigaga ah in aad ku bixisid in aad dhibta Baarma wax ka ogatid iyo muslimka ku nool.

Sheekada oo kooban:
Dawlad madax banaan oo la dhaho Arakaan oo ay ku nool yihiin 3 milyan oo muslim ah ayaa waxa ka dhex bilowday dadaal diinta lagu gaarsiinaayo wadanka baarma ee ay daraska yihiin wadaankaasna diinta buudiska ayaa dadku aaminsanyihiin.
Sanadkii 1784 ayay nimankii buudiska waxa ay dhib sadeen muslimka waana ay la dagaalameen oo muslimkii ayay laayen waxayna dawladii madaxa banaanayd ee Arakaan ku soo dareen wadankii ay buudisku u badnaayeen ee baarma magaciina waa ay ka badaleen waxayna ku badaleen Maynmaar waxayna noqotay qayb ka mid ah baarma , muslimkiina waxa ay noqdeen dad tirro yar ka dib marka ay ahaayeen dowlad madax banaan (tirroddona ay tahay 3 ama 4 milyan), buudiskuna waa 50 milyan.

Muslimkii waxa ay samaysteen magaalooyin u gaar ah ay ku dhex noolaadan oo ay ganacsigooda iyo jaamacadahooda iyo masaajidooda ay ka fur taan.
Waxa ay bilaabeen buudiskii in ay oo weeraraan dhulka muslimiinta si ay u barabixiyaan.

Muddo kooban ka hor waxaa dhacay gawrac aad u fool xumaa,halkaasoo koox buudis ah oo manaxayaal ah ay qabsadeen gaari bas ahaa oo waday 20 ducaad(dad dadka kale diinta gaarsiiya) ah oo xufaadul quraan ah kuwaaso ku dhex wareegaayay dhulka muslimiinta si ay Ilaah xagiisa ugu yeeraan oo diinta ay u baraan kuwa aan aqoon.

Kuwan inkaarta qaba waxay ay jarjareen jirkii culumada maadama ay dadka xaga rabi ugu yeeraayeen, ilaa ay xubin xubin ay u jarjareen ilaa ay mid mid ay culumadii ay u dhinteen.🔪

Muslimkii waa ay xanaqqen oo waa ay ka ceen, buudiiskii waxa ay bilaabeen in ay tuulooyinka muslimka ay gubaan ilaa 2600 guri la gubay, waxaa ku dhex dhintay intii ku dhex dhinatay,waxaana ka cararay intii ka cararatay, waxaa na dhulkaas naftooda kala baxsaday 90 kun iyagoo bad iyo bariba adeegsanaaya ilaa hadana dilkii muslimka waa uu socdaa
Waxaana la kufsanaaya dumarkii ilaa iy ka dhimanayaan iyagoo ehelkeedii ay u jeedaan

Hadaba maxay u luntay dareenkeenii ?!
Anagoo dhan waxaanu is waydiineena maxaan u qaban karaa ?

Waajibka kaa saaran waa sidatan:

Marka hore u ducay
Marka labaad arinkooda faafi si ay dadku xaalkooda uga war qaabaan taasina waa imaankii meeshii ugu dambaysay

Hadii aad dhemaysay akhriska samay wuxuu damiirkaaku ku siiyo hadii aad damiir leedahay ?!!!  ..

حسبنا الله ونعم الوكيل...

⭕faafi si ay muslimku xaalkooda u ogadn⭕

Hal-abuur Yacquub.

jasiiradii ugu horaysay ee weli qof dumara aysan cagsaarin

Aduunka wax kabaro:

          Jaziiradii oogu horaysay ee qof Dumar ahi wali tagin

Posted by website dhulkaabe iyo waayahiisa kobci garaadkaaga

ShareTweet

Jaziirahada Caalamka jira mida ula yaabka ah badan ayaa waxa ay tahay jaziirada lagu magacaabo Athos, waxa ay ku taalaa Greece waa jaziirad ay ku nool yihiin Raga oo kaliya loona ogoleen in qof dumar ahi cag saarto in ay ku noolaato iskaba daaye waxa loo ogoleen xayawaanaadka midooda dhediga ah.
Jaziirada tani waxa la helay qarnigii 8aad xukunkii dalwaynihii la oran jiray greek waxa lagu qiyaasay raga ku nool in ay tiro yihiin 4000 waxa ay u badan yihiin rag dhalinyara ah, waxa ay go’aan adag ku gaareen in ruux dumar ahi tagi Karin, ayada oo sida tahay baa mar waxa tagtay boqoradii ka talin jirtay wadanka Austria si qarsodi ah markii ay tagtay baa waxaa laga warhelay ragii is-qabqabsi kadib iyo dood dheer waxa ay ku xukumeen maadaama ay joogta jaziirada in ay ku socon waxana loo xilsaaray in raga ku nool qaar ka mid ahi ay xambaaraan oo ku soo wareejiyaan ayaga oo u diiday in lugaheeda ku socoto sidii baana la yeelay ayada oo cag saarin ka soo laabatay.

  Xigasho sahal software 

Diyaaradii Muqdisho loo afduubtey 40 sano ka hor oo la dhigayo madxaf ku yaala Jarmalka

Baraha laga geli karo

• U gudub qaybta macluumaadka
• Sida lo

BaarSD

• 28 Luulyo 2017  

• La wadaag qodobkan Facebo


• La wadaag qodobkan Twitter
 
• La wadaag

Lahaanshahadhulkaabe.blogspot.com

ImageSawir muujinaya diyaarad Lufthansa ay leedahay / ma ahan diyaaradii la afduubtey

Sida ay shaaciyeen saraakiil ka tirsan madxafka Dornier ee koonfurta dalka Jarmalka, waxaa la qorsheyanaa in madxafkaasi la geeyo haraadiga diyaaradii Lufthansa ee nooceedu ahaa Boeing 737 ee 40 sano ka hor laga soo furtey magaalada Muqdisho kadib markii ay afduubteen kooxo Falastiiniyiin ah.

Diyaaradan ayaa waxa ay tiiley garoonka Fortaleza ee dalka Brazil, waxaana lasoo wareegtey wasaaradda arrimaha dibada ee Jarmalka, waxaana la dhigayaa madxafka si ay astaan ugu noqoto 'dhabar adeega iyo geesinimada dadka Jarmalka' sida uu wargeyska Bild u sheegey wasiirka arrimaha dibada Jarmalka Sigmar Gabriel.

Bishii Oktoobar, 1977-dii ayay kooxo Falastiinyiin ah magaalada Frankfurt kasoo afduubteen diyaaradani, iyaga oo markii dambe kusoo dajiyey garoonka caalamiga ah ee Muqdisho, halkaasi oo markii dambe ay rakaabkii soo furteen ciidamada sida gaarka ah u tababaran ee Jarmalka oo gacan ka helayay dowladdii militariga ee xiligaasi Soomaaliya ka talineysay.

Duulimaadka tirsigiisu ahaa 181 ayaa waxaa afduubtey koox falaago ah oo isugu jirey falastiiniyiin iyo lubnaaniyiin, kuwaasi oo mid ay haweeney ahayd, waxayna doonayeen in lasoo siidaayo rag ay jabhadda ka wada tirsanaayeen oo ku xirnaa xabsi ku yaala Jarmalka.

Diyaaradan ayaa waxa ay soo martay magaalooyinka Roma, Dubai iyo Cadan, iyada oo kama dambays soo cago dhigatay magaalada Muqdisho.

Waxa ay afduubayaasha dileen duuliyihii diyaarada markii ay Muqdisho yimaadeen.

Wadahadal iyo heshiis dhexmaray dowladdii Jarmalka Galbeed iyo dowladdii Soomaaliya ayaa waxa uu suurtogaliyey in Muqdisho ay kasoo dagaan unug ka tirsan ciidamada sida gaarka u tababar ee dalkaasi Jarmalka, kuwaasi oo ku guuleystey in ay galaan diyaarada , kadibna soo furtaan 83 qof oo ahaa rakaabkii diyaaradda.

Waxaa hawlgalka lagu diley 2 ka mid ah afduubayaasha , labadii kalana waa la dhaawacay.

Dhacdadani waxa ay horseedey xiriir dublamaasiyadeed oo wanaagsan oo dhexmaray Soomaaliya iyo Jarmalka.

halkaan ka daawo quruxda dalkaaga

waxkabaro tecnolegyga maanta

20 kun oo shilin oo isku dhegan ayaa loosoo daabacayaa somaliya

Dowladda Soomaaliya oo soo daabacaysa 20 kun oo shilin oo isku dhegan

• 16 aug 2017

• La wadaag qodobkan Facebook
 
• La wadaag qodobkan Twitter
  lawadaag whatsapp
• La wadaag

Lahaanshahadhulkaabe.blogspot.com    

Guddoomiyaha Bangiga Dhexe ee Soomaaliya Bashiir Ciise Cali ayaa faahfaahin dheeraad ah ka bixiyey Shilin Soomaaliga cusub ee dowladda qorsheyneyso in ay soo daabacato markii ugu horeysey muddo 27 sano ah.

Shir jaraa'id oo uu ku qabtay magaalada Muqdisho ayuu ku sheegey in dowladda soo daabici doonto lacag tirsigeedu badanyahay oo isku dhegan sida Shs20,000 (labaatan kun shilin).

Lacagta ugu weyn ee hadda shaqaysa waa lacagta Shs1, 000 (kunka shilin) oo la daabacay sanaddii 1991-dii si rasmi ah xiligii ay sii dhacaysay dowladdii Jaalle Maxamed Siyaad Barre.

Qorshaha lagu soo daabacayo lacagta cusub waxa uu soo biloowdey sanado ka hor, hase yeeshee ma jirin wax talaabo rasmi ah oo laga qaaday.

Balse dowladda hadda jirta ayaa shirkii London ee Soomaaliya loo qabtay bishii May ee sanadkan la tagtay qorshe raasumaal loogu raadinayo sidii loosoo daabici lahaa lacagta cusub, sidaasi darteedna Bangiga Adduunka ayaa bixinaya lacag dhan $60 malyan oo doolar oo lagu soo daabacayo shilinka cusub.

Diidmada Kunka Shilin

Todobaadyadii ugu dambeeyey waxaa meelo ka mid ah dalka laga diidey lacagta kunka shilin, kadib markii xarakada Alshabaab ay soo saartay amaro la xiriira in shilin Soomaaliga aanan wax lagu kala iibsan karin.

Sidoo kale magaalooyin ka tirsan gobolada dhexe sida Guriceel ayaa laga diidey kunka shilin kadib markii ay suuqa soo galeen lacago been abuur ah.

Lacagaha been abuurka ah ma ahan wax cusub, intii uu dalka burburka ku jireyba daabacaadoodu waa ay socotey, waxaana hadda loo maleynayaa in lacagta suuqa ku jirta ay u badantahay tan been abuurka ah marka la barbardhigo tii la daabacay 1991-dii.

Waxaase xaalka oga sii daray, lacagta hadda shaqaysa oo aad u duugoowdey, islamarkaasina in badan oo ka mid ah aanan la isticmaali karin.

Waxaa intaasi dheer in qiimo dhaca ku dhacay shilinka owgiis aysan suurtogal ahayn in qofka si sahal ah uu jeebka ugu qaato lacag intii uu doono, wuxuuna u baahanyahay qofka in uu bac ama jawaan ku qaato.

Guddoomiyaha bangiga dhexe Bashiir Ciise waxa uu sheegey in lacagta cusub ee lasoo daabacayo loo naqshadayn doono qaab casri ah oo aanan la been abuuri karin.

• Maxaa ka jira eedeymaha sheegaya in ganacsatadu ay lacag siiso Shabaabka?
• Diidmada Shilin Soomaaliga oo ku sii fideysa bartamaha Soomaaliya
• 6 arrin ka ogow dhaqaalaha Soomaaliya

Taariikhda Shilin Soomaaliga

• Magaca Shilinka waxa uu baxay sanadkii 1921-dii xiligaasi oo gumeystihii Ingiriiska uu meel mariyay gaar ahaan gobolada Waqooyi oo uu ka talinayay, laakiin si rasmi ah waxaa loo qarameeyey 15-kii Bishii Diseembar, 1962-dii.
• Xiligaasi Bangiga Dhexe ee Soomaaliya waxa uu daabacay lacag xaanshi ah oo ka kooban 5 shilin, 10 shilin, 20 shilin iyo 100 shilin.
• Isbadalkii labaad waxaa shilin Soomaaliga lagu sameeyey 1975-tii iyo 1979-kii xiligaasi oo markale dib loosoo daabacay ama loo cusbooneysiiyey lacagtii hore.
• Balse sanadkii 1983-dii ayaa la daabacay 50 shilin oo xaanshi ah, iyada oo 1989-kiina la daabacay 500 shilin markii ugu horeysey.
• Ugu dambeyntii 1991-dii ayaa la daabacay lacagta kunka shilin ee isku taala, waxayna noqotey tirsigii ugu badnaa ee shilinka laga daaboco ebed.
• 20-ka kun shilin ee hadda la daabacayo ayaa waxa ay dadka u fududeyneysaa in ay jeebka ku qaataan lacag ku filan oo maalinkii wax ku gataan.